Боречкиот клуб Вардар продолжува со интензивни активности и настапи на меѓународната сцена. Во рамки на развојната програма и подготовките за претстојните натпреварувања, клубот ќе земе учество на меѓународен боречки турнир што ќе се одржи во Малта.

„Овој турнир претставува одлична можност за младите и сениорските категории на клубот да стекнат ново искуство и да ги одмерат силите со натпреварувачи од повеќе европски земји. Настапот во Малта е дел од континуираните активности на клубот за унапредување на спортската форма и меѓународната соработка“, велат од Вардар.

Состав на екипата на Вардар за меѓународниот турнир во Малта:

57 кг Виктор Аврамовски
61 кг Земри Авдили
61 кг Мартин Кузмановски
65 кг Димитар Качурков
74 кг Стефан Зашков
79 кг Ахмад Магомедов
86 кг Петар Тодев
92 кг Реџеп Таири
97 кг Кирил Малчев
125 кг Мухамед Таири
125 кг Мартин Србиновски

Тренери: Штерјо Митров и Гордан Николов
Тим лидери: Луан Зенку и Гајдар Гајдаров

„За нас ова е уште една важна проверка на формата и напредокот на нашите борци. Турнирите од ваков тип им овозможуваат да стекнат искуство, самодоверба и да ги применат техниките што ги работиме на тренинзите. Очекуваме квалитетни борби и добри резултати“, изјави тренерот Штерјо Митров.

Неговиот колега, тренерот Гордан Николов, додаде:

„Боречкиот клуб Вардар секогаш се стреми кон развој и напредок. Настапот на Малта е дел од нашата стратегија за меѓународна афирмација и создавање генерација борци кои ќе бидат идни претставници на Македонија на европските и светските првенства. Верувам дека момците ќе дадат сè од себе и достојно ќе го претстават клубот и нашата земја“.

Од Вардар истакнуваат дека продолжуваат со континуирана работа и посветеност кон развојот на борењето во Македонија и промоцијата на македонскиот спорт надвор од нејзините граници.