Во сабота ќе се одржи Меѓународниот меморијален турнир „Бојан Рангелов и Насе Насев“ во екипна конкуренција, а во организација на БК Вардар.

Ќе има борби во слободен стил, грчко-римски и женско борење.

Турнирот почнува во 11 часот во спортскиот комплекс “Иван Хаџи Николов” во Радишани.

Организаторот највува учество на сите шампионски екипи од соседните држави во олимписките категории. Или, како што велат од Вардар: „Ќе учествуваат најдобрите балкански боречки клубови“.

Во слободен стил се најавени да учествуваат:
– ЦСКА од Бугарија
– Трапезоинд од Грција
– Вардар од Македонија

Во грчко-римски стил:
– Раднички од Србија
– Васил и Георги Илиеви од Бугарија
– Вардар од Македонија

Женско борење:
– Црвена Звезда од Србија
– НСА – Бугарија
– Вардар Македонија.

„Со овој меморијален турнир сакаме да ја повратиме атмосферата на лига екипните натпревари, а воедно, преку спортот да се развива дружбата и пријателството меѓу балканските народи .

Ние мислиме дека ова го заслужиле нашите тренери и сигурен сум, да се со нас сега, би биле горди на оваа манифестација .

Да истакнам дека целата организација и покровителство го сноси БК Вардар со техничка помош од Општина Бутел“, вели првиот човек на Вардар, Љубиша Пешко.