Покрај трагедијата која ја погоди Македонија, Вардарци се консолидираа и продолжија со зацртаните планови: Државното првенство за У-20 и Европското првенство за сениори во Братислава, Словачка.

За Државното првенство за У-20 екипата се подготвуваше и борачите имаат заеднички контролни борби и тренинзи во Штип и во Солун (Грција).

Додека репрезентативците за престојното Европско ( Магомедов 79 кг и Нуров 97 кг ) тренираат во Олимпискиот центар во Макхачкала, Дагестан, под мониторинг на Љубиша Пешко .

„За планираните подготовки, малку се пореметени заради верските постови, но тоа може да биде и позитивно на натпреварите, затоа што придржувањето  на строгиот пост, душевно ги развива спортистите и ги учи на ред и дисциплина.

Реално, иако не мачат неудобни повреди, на Европското би требало да освоиме 2 одличја“, вели Пешко и додава: Показатели се медалите што ги освоија на турнирите Медвед во Минск и рејтинговиот турнир во Тирана“.

Репрезентативецот Ахмад Магомедов спарингува со најдобриот светски борач Абдурашид Садулаев.